Government of Nepal Logo
नेपाल सरकार
गृह मन्त्रालय

ईलाका प्रशासन कार्यालय, जस्पुर, प्युठान

माण्डवी गाउँपालिका ३ प्यूठान

Visit Nepal 2020 - Ministry of Home Affairs

नागरिक वडापत्र


सि.नं. सेवाहरु कागजातहरु प्रक्रियाहरु एक्सन
1

बंशजको नाताले नेपाली नागरिकता

लाग्ने समय

कार्यालयको ब्यस्तता हेरी प्रमाण पुगेकोमा न्यूनतम ३० मीनटदेखि माथि

सुल्क

रु १० को हुलाक टिकट

जिम्मेवार कर्मचारी दिनेश ज्ञवाली
गुनासो सुन्ने कर्मचारी दिनेश ज्ञवाली
  • सम्बन्धित वडा कार्यालयको शिफारिस सहितको आवेदन अनुसूची
  • वावु, आमा, दाजु, दिदी वा तीन पुस्ता भित्रका आफन्तको सक्कल नागरिकता एवं पहिचान खुल्ने अन्य परिचयपत्र
  • जन्म दर्ताको प्रमाणपत्र
  • शैक्षिक योग्यताको प्रमाण पत्र
  • सनाखत गर्ने ब्यक्तिसङ्गको नाता प्रमाणित पत्र
  • अन्य जिल्लाबाट विवाह वा बसाईसराई गरी आएको हकमा बसाईसराई दर्ताको साथै सम्बन्धित जिल्लामा अभिलेख बुझेको पत्र
  • उल्लिखित प्रमाणहरु पेश गर्न नसकेमा वा प्रष्ट हुन नसकेमा आवश्यकता अनुसार सर्जमीन वा अन्य प्रमाणहरु माग गरिनेछ ।
  • सम्पूर्ण प्रमाणको फोटोकपी सहित आवेदन अनुसूचीमा रु १० को हुलाक टिकट टाँस गरी नागरिकता शाखामा कागजात रुजु गराई सनाखत गर्नुहोला
  • कम्प्यूटरबाट नागरिकता कार्ड प्रिन्ट भैसकेपछि पालैपालो तपाईलाई फोटो एवं ‍औठाछापको लागि बोलाइनेछ। त्यतिञ्जेल धैर्यपूर्वक प्रतिक्षा गर्नुहोला
  • फोटो टाँसिसकेपछि नागरिकतामा दस्तखतको लागि जारी गर्ने कार्यालय प्रमुख समक्ष पठाइनेछ ।
  • नागरिकतामा दस्तखत र अभिलेख समेत प्रमाणित भएपछि छाप र स्टीकर टाँस गरी तपाईको नाम बोलाई नागरिकता प्रदान गरिनेछ ।

यी सबै चरणहरुमा शान्त भै धैर्यतापूर्वक पालोको प्रतीक्षा गर्नुहोला साथै नागरिकताको प्रमाणपत्र प्राप्त भैसकेपछि सम्पूर्ण ब्यहोरा पढी रुजु गरी ठीकठाक रहेको यकीन गरेर मात्र जानुहोला । कुनै त्रुटी फेला परेमा तत्काल संशोधनको लागि फिर्ता दिनुहोला ।

 

2

नागरिकताको प्रतिलिपि

लाग्ने समय

अभिलेख भिडेको अवस्थामा कार्यालयको ब्यस्तता हेरी न्यूनतम तीस मीनेट भन्दा माथि

सुल्क

रु १३ को हुलाक टिकट

जिम्मेवार कर्मचारी दिनेश ज्ञवाली
गुनासो सुन्ने कर्मचारी दिनेश ज्ञवाली
  • पुरानो नागरिकता, त्यसको फोटोकपि वा नागरिकता नंबर र जारी मिति खुलेको कुनै कागजात जस्तै मतदाता परिचयपत्र, जग्गा धनी प्रमाण पुर्जा आदि
  • सम्बन्धित वडा कार्यालयको  सिफारिस
  • पतिको नाम, थर, ठेगाना समेत कायम गर्नुपरेमा पतिको नागरिकताको प्रमाण पत्र, विवाह दर्ताको प्रमाण पत्र र पति, ससुरा, वा सासुको सनाखत
  • अन्यत्र जिल्लाबाट नागरिकता जारी भएको भए उक्त अभिलेख भिडाएको पत्र 
  • नागरिकता शाखामा प्रमाणहरु पेश गरी रुजु गराउनुहोस्
  • अभिलेख भिडाई यकीन भएपश्चात् नागरिकता प्रिन्ट हुँदासम्म धैर्यतापुर्वक प्रतीक्षा गर्नुहोस्
  • तपाइको फोटो एवं सहीछापको लागि बोलाइनेछ चनाखो भई पालो कुर्नुहोस्
  • फोटो टाँस गरिसकेपछि कार्यालय प्रमुख समक्ष दस्तखतको लागि पठाइनेछ 
  • नागरिकतामा दस्अतखत र अभिलेख समेत प्रमाणित भैसकेपछि छाप लगाई स्टीकर टाँसी नागरिकता प्रदान गरिनेछ ।

नागरिकतामा कुनै त्रुटी भए नभएको यकीन गरी त्रुटी फेला गरेमा तत्काल संसोधन गराई नागरिकता लिई जानुहोला। पटक पटक प्रतिलिपि नागरिकता लिने कार्यमा स्रोत र समयको बरवादी हुने एवं  दुरुपयोगको आशंका समेत हुन सक्ने हुँदा प्राप्त भउको नागरिकतालाई जतनसङ्ग राख्नुहोला । प्लास्टिकको खोलले नागरिकताको प्रमाणपत्रको मसी विगारी नागरिकता चाडै नोक्सान हुने भएकोले अन्य उपायबाट नागरिकताको प्रमाण पत्रको सुरक्षा गर्नुहोला।